對於投資新手嚟講，可能你聽過「ETF」，但未必真係了解，或者唔清楚ETF同股票、基金有咩分別？Bowie話你知，其實ETF係一個門檻比較低，而且能夠緊貼大市表現的投資工具。今次就同大家深入探討ETF，並分析ETF同股票、基金同債券的關係，令你對「ETF」有更清晰的了解。
ETF是什麼？
ETF（Exchange-Traded Fund，交易所買賣基金）其實係一種可以喺交易所買賣的基金。佢唔單止可以追蹤股票指數，仲可以跟隨大宗商品、投資策略或者其他特定市場的表現。舉個例，好似美股的SPY，佢追蹤的係美國標準普爾500指數。即係話，當你買入SPY，就等於投資於跟標普500指數表現相同的基金，當指數上升，SPY的價格就會上升，反之亦然。
ETF是股票還是基金？
基金係一種將多個投資者的資金集合起來，由專業基金經理管理的投資產品。而ETF就係基金的一種，但與傳統基金唔同，ETF唔需要基金經理主動管理，並且可以像股票咁喺交易所自由買賣。ETF的優勢係透明度高、交易靈活，而且手續費通常比傳統基金低。
如何進行ETF投資？
投資者可以喺證券平台或者銀行，像買股票咁買賣ETF。當你買賣ETF時，要留意交易時段、管理費同手續費。ETF的交易時間同股票差唔多，仲有盤前盤後交易的選項。即使係追蹤相同指數的ETF，由唔同發行公司發行，都有可能收取唔同的管理費。例如，SPY同VOO都係追蹤標準普爾500指數，但VOO的管理費率係0.03%，而SPY就係0.0945%。
ETF、股票同基金的比較
ETF
ETF係基金的一種，但大部分ETF唔需要基金經理主動選擇投資標的，佢哋通常會追蹤某個指數或者一籃子資產，屬於被動管理。ETF的透明度高，投資者可以清楚知道自己買入的成份股，並且可以像股票咁隨時買賣，令投資者能夠靈活應對市況變化。
股票
股票其實係你擁有某間公司的一部分股權，當你買入某間公司的股票，就等於擁有咗該公司一份股權，並可以享受公司的股息及未來增值帶來的利潤。股票係單一公司的投資，風險集中。
基金
傳統基金係由專業基金經理管理，投資者將資金交畀基金經理，佢哋會根據市場情況選擇股票或其他資產來建構投資組合。基金有不同的類型，包括股票型基金、債券型基金等，並且可以投資全球市場，範圍更加廣泛。基金收取較高的管理費，並且通常唔可以隨時交易。
ETF與基金比較
| 股票 | ETF | 傳統基金 | |
| 投資標的 | 單一公司 | 一籃子股票、債券或指數 | 一籃子股票、債券、其他金融資產 |
| 交易途徑 | 經銀行或證券商 | 經銀行或證券商 | 經銀行或基金公司 |
| 成本費用 | 交易佣金 | 交易佣金、管理費用 | 認購費、贖回費、管理費用 |
| 透明度 | 最高，定期財報及實時價格資訊 | 高，實時價格資訊、定期更新成份股 | 定期公布投資組合 |
| 靈活性 | 極高 | 高 | 低 |
| 管理方式 | 自行管理 | 自行管理 | 基金經理管理 |
ETF有什麼種類？
ETF唔止一種，根據唔同的投資策略，可以分為以下幾種：
債券型ETF（ETF債券）
債券型ETF會追蹤一個債券指數，投資者唔係買單一債券，而係投資於一籃子債券。以美股的iShares美國核心綜合債券ETF（AGG）為例，佢追蹤美國市場的主要債券，包括政府公債、公司債同房貸證券等。
主動型ETF
主動型ETF類似傳統基金，由基金經理根據市場狀況選擇股票或者其他資產組合。舉例來說，巴郡A股（Berkshire Hathaway Inc Class A，BRKA）就係由華倫·巴菲特管理，佢持有的資產包括蘋果、可口可樂等。
指數型ETF
指數型ETF係追蹤某一指數，例如納斯達克指數（QQQ）或者恒生指數（盈富基金）。呢類ETF通常係被動管理，價格升跌跟隨指數表現，唔需要基金經理主動干預。
板塊型ETF
板塊型ETF會集中投資某個行業或板塊，追蹤該行業內多間公司的股票。例如，美股的半導體ETF（SMH）就係追蹤半導體產業內的企業，成份股包括輝達、台積電等。
ETF投資優點
風險分散
ETF可以讓你用相對較少的資金，投資一籃子股票或者債券，達到風險分散的效果。例如，指數型ETF就等於投資咗整個指數內的成份股，減少單一公司風險。
靈活度高
ETF同股票一樣，可以喺市場上即時買賣，唔似傳統基金咁受限。你可以根據市況、資金需求，隨時調整倉位，靈活部署。
透明度高
ETF的成份股清單係公開的，投資者可以隨時查閱，並且ETF會提供即時價格，方便投資者作出即時調整。
ETF投資缺點
追蹤誤差
指數型ETF的回報可能同指數有少少誤差，原因係管理費用、交易成本等因素可能會影響到回報，令ETF的表現稍微滯後於其追蹤指數。
限制組合多元化
某啲ETF係根據市值加權，會限制投資者的選擇空間，尤其係指數型ETF，投資者唔可以自主選擇組合內容，會相對被動。
流通性風險
有啲新發行或者規模較細的ETF，交易量可能唔夠活躍，流通性較差，可能會出現賣出時冇人接貨的情況，影響投資者的資金流動。
ETF投資常見問題
點樣買賣ETF？
同買股票一樣，可以喺證券平台或者銀行買賣ETF。買之前，記得了解清楚ETF的成份股、管理費、誤差率等，確保符合你的投資目標。
ETF同基金有咩分別？
ETF係一種基金，但佢係被動管理，唔需要基金經理選股，透明度高，交易方便；傳統基金就係由基金經理管理，收費較高，而且唔係隨時可以交易。
ETF係唔係股票？
ETF唔係股票，佢唔會令你擁有公司股權，亦唔會分派股息。ETF係基金，但係可以像股票一樣喺市場上買賣。
結語
總括而言，ETF係一個靈活、透明的投資工具，適合唔想單一承擔公司風險，並希望分散投資的投資者。如果你想參與大市或者特定板塊的表現，ETF係一個相對簡單又低成本的選擇。