基金投資新手必讀指南：從入門到選擇技巧，輕鬆掌握基金投資
基金係近年非常受歡迎的投資工具，唔少投資者選擇基金嚟累積財富。不過，如果你係新手，對基金唔係咁熟悉，甘今篇《基金投資新手必讀指南》就係為你準備的，Bowie將詳細為大家介紹基金投資的基本知識，幫你打好基礎，入門了解基金投資！
基金係乜？同股票的分別？
簡單講，基金係將多個投資者的資金集中起來，由專業的基金經理管理，投資於唔同的金融資產（例如股票、債券、樓市等），透過分散投資來降低風險。買基金等於購買基金份額，成為基金的持有人。
基金 vs 股票
| 基金 | 股票 | |
| 擁有權 | 投資者擁有基金份額 | 投資者擁有公司股票 |
| 投資策略 | 由基金經理根據既定策略投資 | 投資者可以自由選擇個別股票投資 |
| 風險分散 | 通常投資於多種資產 | 每一隻股票只代表一間公司 |
| 費用結構 | 通常包括手續費、分銷費、管理費等等 | 通常包括買賣手續費和平台費 |
| 公司治理權 | 基金投資者通常無投票權 | 股票投資者有權參與公司治理 |
基金如何賺錢？
基金主要有兩個賺錢方式：
- 資產增值：當基金持有的股票或其他資產升值，基金整體價值提升，投資者可以透過賣出基金份額賺取利潤。
- 股息同紅利：基金持有分紅股票或債券，收取股息或利息，然後分派畀投資者。
買基金有咩選擇？5大基金類型
- 共同基金：投資者將資金交由基金公司管理，基金公司根據基金策略選擇投資資產，通常每日更新基金淨值（NAV），投資者可以根據基金淨值買賣份額。
- 交易所買賣基金 (ETFs)：可以好似股票咁喺交易所買賣，通常追蹤某個指數（例如恒生指數、S&P 500等），價格會因市場波動而變動。
- 貨幣市場基金：主要投資短期、低風險、高流動性資產，例如短期政府債券等，回報較低，但風險亦較低。
- 股票基金：將資金投資於多隻股票，風險較高，但長期回報潛力大。
- 對沖基金：通常針對高資產淨值或機構投資者，採用複雜的投資策略，旨在無論市況如何都能獲得回報，風險較大。
點解要買基金？5個好處
- 專業管理：基金由專業基金經理管理，投資者唔需要自己選股，省時間同精力。
- 分散風險：基金會將資金分散於多種資產，降低單一資產的風險。
- 高流動性：基金流動性強，可以隨時買賣，調整投資組合。
- 低投資門檻：相對於直接投資單一資產，基金的最低投資金額通常較低，適合資金較少的投資者。
- 透明度高：基金需要定期公開報告，投資者可以清楚了解基金狀況。
邊啲人適合投資基金？
- 投資新手：基金管理由專業經理負責，唔需要有深厚的投資知識。
- 資金有限的人：基金可以小額入場，適合資金唔多的投資者。
- 希望分散風險：基金通常會分散投資於多個市場或資產，減少個別風險。
- 冇時間管理投資：基金有專人幫你打理，適合冇時間或者唔擅長分析市場的人。
買基金前6個注意事項
- 投資目標同風險承受能力：了解自己想達到的投資目標，選擇符合自己風險承受能力的基金。
- 基金投資策略：睇清楚基金的投資策略，了解基金會投資的資產，是否適合自己風格。
- 基金回報：過去的回報唔等於未來表現，唔好只睇歷史數字，要了解基金風險。
- 基金費用結構：基金有管理費、銷售費等，這些費用會影響到你最終的回報。
- 基金經理和團隊：了解基金經理的背景同經驗，基金經理的能力對基金表現影響重大。
- 基金流動性：了解基金的買賣規則，有啲基金可能唔係隨時可以賣出，要注意。
常見問題
- 私人基金同開放基金有咩分別？
開放基金係可以公開發售，經過證監會認可，投資者可以自由買賣；而私人基金只限於特定投資者，透明度較低。 - 每次買賣基金都要交手續費嗎？
通常會有「交易費」，即每次買賣基金都會有相應的費用。例如你投資HK$10,000，手續費5%，就要扣除HK$500，實際投資額係HK$9,500。
總結，基金係一個適合新手同資金有限的人的投資工具，無論你係想分散風險、專業管理，定係希望以較少資金參與大市，都可以考慮基金作為一個投資選擇。選擇基金前，要了解清楚基金的投資策略、風險同費用，做好功課，先可以輕鬆入市！